Per sta regada,
la gente se ralegra,
xe tuta inamorada,
de sta zità stupenda!
L’apuntamento
xe proprio un sposalizio,
Trieste tuta in festa,
s’unisi al mar aulito!
In alto là sul “ Faro “
l’alata “Vittoria” varda lontan;
la parla con le vele,
e le saluda con la man.
Le parti tute insieme cussì,
col borin de drio,
pruando verso l’Istria
su “ Salvore e Piran “
Scapolar la boa,
bolinar sul Castel de Miramar;
tanti e tuti insieme,
gioiosamente velegiar!
Solo per partecipar:
non per vinzer ma,
per l’amata “Copa”
a Trieste consegnar!
Sì ! Amici, festegemo!
Trieste va sposa col suo mar;
a la “Coppa d’Autunno”,
con gioia brindemo!
La Barcolana
xe proprio una sfilada,
coverzi el mar de vele,
le rive de scafi piene.
Per sta regada,
la gente se ralegra,
xe tuta inamorada,
de stà zità stupenda!
L’apuntamento
xe proprio un sposalizio,
Trieste tuta in festa,
s’unisi al suo mar aulito!
Tuto l’ampio golfo
tripudio de barche sul mar;
Grado, Muia, Isola e Capodistria
le sta a mirar.
La Copa le unissi cussì,
con ardor le palpita per Trieste,
che con ela
le gà el mar nel cuor!
Sì ! Amici, festegemo!
Trieste va sposa col suo mar;
a la “Copa d’Autuno”,
felici brindemo!
L’apuntamento
xe proprio un sposalizio,
Trieste tuta in festa,
se unisi al suo mar aulito”!
Oh!..Oh!..Oh!..